UV стерилизатори за вода за домаќинства

UV стерилизаторите за вода ги уништуваат бактериите, вирусите и другите микроорганизми во водата со ултравиолетова светлина, без хемикалии. Се користат кога водата доаѓа од бунар, извор или резервоар, или како последен степен на заштита по филтер или систем за реверзна осмоза. Водата минува покрај UV лампата во куќиште од нерѓосувачки челик, а микроорганизмите ја губат способноста да се размножуваат.

Зошто UV стерилизатор

• дезинфекција без хлор и без други хемикалии
• не ги менува вкусот, мирисот, бојата и pH на водата
• мала потрошувачка на струја
• едноставно одржување: UV лампата се менува еднаш годишно

Како да изберете модел

• UV стерилизатор 6 W (1 gpm) – за систем за реверзна осмоза под мијалник
• UV стерилизатор 12 W – за систем за реверзна осмоза или една славина, до 230 л/час
• UV стерилизатор 25 W – за стан или помала куќа, до 1.100 л/час
• UV стерилизатор 55 W – за цела куќа со бунарска или изворска вода, до 2.700 л/час

Моделот се избира според максималниот проток во објектот, а не според дневната потрошувачка. За хотели, повеќе куќи на еден бунар и производни погони нудиме UV стерилизатори за индустрија со повеќе лампи.

Важно пред набавка

UV светлината дејствува само ако водата е бистра. Матна вода, железо, манган и бигор ги штитат микроорганизмите и ја обложуваат кварцната цевка. Затоа пред UV стерилизаторот секогаш се поставува механички филтер, а по потреба и омекнувач или деферизатор. UV не ги отстранува хемиските нечистотии (нитрати, тешки метали, хлор) и не остава заштита во цевките по стерилизаторот.

Бентен-Пан ви нуди

Бесплатна проверка на вашата вода во нашите центри: продажниот салон во ТЦ Буњаковец (сутерен, лок. 11) или канцеларијата во Кисела Вода (ул. 14-ти Декември 20/1). Нудиме и избор на предфилтрација, монтажа, годишен сервис и резервни UV лампи и кварцни цевки. Контакт: +389 75 304 403, sales@b-p.com.mk.