Ecosoft MO6500 – индустриски систем за реверзна осмоза, до 250 л/час

• Шифра: MO6500TP5
• Бренд: Ecosoft
• Цена: 348.750,00 денари

Ecosoft MO6500 е систем за реверзна осмоза за објекти на кои им треба поголема количина чиста вода со ниска содржина на соли – до 6.500 литри дневно. Наменет е за угостителство, мало производство, перални и котларници, каде бигорот и растворените соли прават штета на опремата и на квалитетот на производот.

Зошто Ecosoft MO6500

• Капацитет до 250 литри на час, за непрекината работа 24/7
• Отстранува растворени соли, бигор, тешки метали и микроорганизми преку 4-инчна мембрана
• Grundfos пумпа со вградена заштита од работа на суво
• Автоматско управување со контролер Ecosoft OC5000 – системот сам се вклучува, исклучува и испира
• Искористување до 75% – помалку вода во одвод
• Отворена челична рамка за лесен пристап при сервис, на мала површина (54 × 39 cm)

Како работи

Водата прво поминува низ механички предфилтер од 5 микрони, кој ги задржува песокот и честичките. Пумпата Grundfos го крева притисокот на 8–12 бари и ја турка водата низ мембраната. Мембраната ги пропушта молекулите на водата, а солите и нечистотиите ги исфрла во одвод. Прочистената вода оди во резервоар или директно до потрошувачите. Контролерот периодично ја испира мембраната и така ѝ го продолжува векот.

Идеален за

• ресторани, хотели и кафе-барови
• пекарници, пивари, винарии и производство на пијалаци
• перални и автоперални
• парни котли и системи за греење и ладење
• фарми за добиток и живина

Важно пред набавка

Влезната вода мора да е без хлор и механички нечистотии. Кај тврда или бунарска вода потребен е омекнувач или дозирање антискалант пред системот. Затоа секоја понуда ја почнуваме со анализа на вашата вода.

Цената е ориентациона, без ДДВ и не ја вклучува мембраната. Таа ви дава претстава за големината на инвестицијата, но не е фиксна. Конечната цена зависи од проектот: квалитетот на вашата вода, потребниот предтретман, изборот на мембрана (Filmtec XLE-4040, LCLE-4040 или Ecosoft ELP-4040) и монтажата.

Бентен-Пан ви нуди

Бесплатна проверка на вашата вода во нашите центри: продажниот салон во ТЦ Буњаковец (сутерен, лок. 11) или канцеларијата во Кисела Вода (ул. 14-ти Декември 20/1). Нудиме и проектирање на предтретман, монтажа и пуштање во работа, редовен сервис, како и резервни мембрани и филтри на залиха во Скопје. Контакт: +389 75 304 403, sales@b-p.com.mk.