Домашна употреба

Водата дома може да има различни проблеми: тврдина и бигор, железо и мирис, бактерии (посебно кај бунари) или вкус кој не ви одговара. Решението се бира според анализата на водата и според тоа за што ја користите.

Тврда вода и бигор

Водата е тврда кога содржи многу калциум и магнезиум. Тврдата вода не е здравствен ризик, но остава наслаги во цевките, бојлерот и машините, ја намалува ефектот на сапунот и детергентите и остава дамки на плочки и стакла.

Најсигурното решение е јонски омекнувач. Тој го заменува калциумот и магнезиумот со натриум и ја штити целата инсталација: чешми, када, кујна, бојлер, машина за перење и за садови, апарат за кафе. Магнетите и сличните уреди не ги отстрануваат калциумот и магнезиумот, а ефектот им е ограничен на местото каде се поставени.

Зошто да ја третирате водата:

1. Заштеда на трошоци (енергија, одржување).
2. Заштеда на детергенти.
3. Заштеда на време за чистење.
4. Заштита на уредите.

Вода за пиење

Реверзната осмоза под садопер дава вода за пиење и готвење со намалена содржина на соли и загадувачи. Омекнатата вода содржи повеќе натриум, па за пиење препорачуваме посебен RO систем.

Бунар и проблематична вода

За вода од бунар се користат деферизатори (железо, манган), филтри со активен јаглен, филтри за матност и UV стерилизатори за дезинфекција. Меѓутоа пред да се инсталира некој од овие филтри, прво се прави анализа на водата.

Погледнете ја нашата понуда: Филтри и системи за домаќинства.